फिफा वरीयतामा सुधारियो नेपालको अवस्था

साफ च्याम्पियनसिपमा इतिहास बदल्ने नेपालको लक्ष्य

नेपालवाच २०७९ चैत २४ गते ७:२७

काठमाडौं । विश्व फुटबलको सर्वोच्च निकाय फिफा वरीयतामा नेपालको अवस्था सुधार भएको छ ।

यसअघि फिफाको वरीयतामा नेपाल १७५ औं स्थानमा थियो । तर बिहीबार सार्वजनिक वरीयतामा एक स्थान सुधार गर्दै नेपाल १७४ औं स्थानमा उक्लिएको हो ।

दक्षिण एसियातर्फ नेपाल तेस्रो पोजिसनमा छ । भारत पहिलो र माल्दिभ्स दोस्रो स्थानमा छन् । भुटान १८५ औं, बंगलादेश १९२ औं, पाकिस्तान १९५ औं र श्रीलंका २०७ औं स्थानमा छन् । ।

वरीयताको शीर्ष स्थानमा यस पटक अर्जेन्टिना उक्लिएको छ । यसअघि अर्जेन्टिना दोस्रो स्थानमा थियो । त्यसैगरी फ्रान्स दोस्रो, ब्राजिल तेस्रो र बेल्जियम चौथो स्थानमा छन् ।