काठमाडौं । च्याम्पियन्स लिग फुटबल अन्तर्गत क्वाटरफाइनलको पहिलो लेगमा रियल मड्रिडले इंग्लिस क्लब चेल्सीलाई हराएको छ । बुधबार राति सम्पन्न खेलमा मड्रिडले चेल्सीलाई २–० गोल अन्तरमा हराएको हो ।

रियलको यो जितमा करिम बेन्जिमा र मार्को एसेन्सियोले समान एक/एक गोल गरे । बेन्जिमाले २१ औं र एसेन्सियोले ७४ औं मिनेटौंमा गोल गरेका हुन् ।

डिफेन्डर बेन चिलबेलले ५९ औं मिनेटमा रातो कार्ड पाएपछि चेल्सी १० खेलाडीमा खुम्चिएको थियो ।

यी टोलीबीचको दोस्रो लेग अप्रिल १९ मा चेल्सीको मैदानमा हुनेछ ।