हालाण्ड र स्टोन्सको गोलको मद्दतमा सिटी विजयी
काठमाडौं । इंग्लिस प्रिमियर लिग फुटबलमा म्यानचेस्टर सिटीले लेस्टर सिटीमाथि सहज जित हासिल गरेको छ ।
गएराति सम्पन्न खेलमा सिटीले लेस्टर सिटीमाथि ३–१ गोलान्तरको जित निकालेको हो ।
सिटीको जितमा अर्लिङ हालाण्डले २ र जोन स्टोन्सले १ गोलको योगदान दिए । स्टोन्सले पाँचौं र हालाण्डले १३औं तथा २५औं मिनेटमा गोल गरेका हुन् ।
लेस्टरका केलिची इहानाचोले ७५औं मिनेटमा सान्त्वना गोल गरे ।
योसँगै सिटी ३० खेलबाट ७० अंक जोडेर दोस्रो स्थानमा छ भने लेस्टर २५ अंकका साथ १९ औं स्थानमा छ ।
प्रतिक्रिया