काठमाडौं । केलियन एमबाप्पे लिग वान फुटबलमा पेरिस सेन्ट जर्मेन (पिएसजी) का लागि सर्वाधिक गोल गर्ने खेलाडी बनेका छन् ।

पिएसजीका लागि १६७ लिग खेलमा सहभागी एमबाप्पेले १३९ गोल गर्दै कीर्तिमान बनाएका हुन् ।

यसअघि लिग वान फुटबलमा पिएसजीबाट सर्वाधिक गोलकर्ताको रेकर्ड एडिन्सन काभानीको नाममा थियो ।

यसैबीच, फ्रेन्च लिग वान फुटबलमा शीर्ष स्थानको पिएसजीले सहज जित हात पारेको छ ।

गएराति सम्पन्न खेलमा पीएसजीले लेन्सलाई ३–१ गोलान्तरमा हराएको हो ।

पिएसजीको जितमा केलियन एमबाप्पे, भितिन्हा र मेसीले समान एक एक गोल गरे ।

खेलको ६० औं मिनेटमा पिएसजीका खेलाडीको गल्तीका कारण लेन्सले पेनाल्टीको मौका पायो । जसको सदुपयोग गर्दै फ्रान्कोवस्कीले एक गोल गरे ।