काठमाडौं । जनमत पार्टीका अध्यक्ष सिके राउतले बारा–२ को विभिन्न मतदान केन्द्रमा जसपाले बुथ क्याप्चर गरेको आरोप लगाएका छन् ।

उपनिर्वाचनको क्रममा वस्तुगत अवस्था बुझ्न आइतबार केही मतदान केन्द्रमा उनले ४–५ वटा मतदान केन्द्रमा बुथ क्याप्चर भएको आरोप लगाए हुन् ।

‘बेलडारी, झिटकैयासहितका बुथहरु अहिले पनि कब्जा भएको उनको आरोप छ । बेलटारी, झिटकैया बुथमा विहानैदेखि बुथ कब्जा भइरहेको छ । पचरौताको बेलडारी बुथमा हाम्रा प्रतिनिधिलाई छिर्नै दिइएको छैन । हामीले पुलिस प्रशासनलाई हामीले प्रशासनलाई आग्रह गरेका छौं तर उनीहरूले सुनिरहेका छैनन्’, उनले भने ।

प्रहरी प्रशासनकै मिलेमतोमा बुथ कब्जा गरी त्रासको वातावरण सिर्जना गरिएको उनले आरोप लगाए ।