काठमाडौं । प्रतिनिधिसभा सदस्यका लागि भएको उपनिर्वाचनको मतगणना जारी छ ।

पछिल्लो मतपरिणामअनुसार रास्वपाका उम्मेदवार स्वर्णिम वाग्लेले २४४०६ मतसहित सुरुवातदेखि नै अग्रता कायम गरेका छन् । नेपाली कांग्रेसका उम्मेदवार गोविन्द भट्टराई १४१८२ म्तसहित दोस्रो स्थानमा छन् । त्यस्तै सर्वेन्द्र खनाल ७०२६ मतसहित तेस्रो स्थानमा छन् ।

बारा क्षेत्र नम्बर २ मा जनता समाजवादी पार्टीका उम्मेदवार उपेन्द्र यादव ३२१४ मतसहित पहिलो स्थानमा छन् । उनलाई पछ्याउँदै जनमत पार्टीका शिवचन्द्र कुशवाहाले २८१३ मत प्राप्त गरेका छन् । एमालेका पुरुषोत्तम पौडेलले १३३५ मत पाउँदा रास्वपा उम्मेदवार रमेश खरेलले ६४१ मत प्राप्त गरेका छन् ।

चितवन क्षेत्र नम्बर २ मा रास्वपा उम्मेदवार रवि लामिछाने ४३५८ मतसहित अग्रस्थानमा छन् । एमालेका उम्मेदवार रामप्रसाद न्यौपाने २५८५ दोस्रो स्थानमा छन् । नेपाली कांग्रेस जितनारायण श्रेष्ठ २२०५ मतसहित तेस्रो स्थानमा छन् ।