बारामा उपेन्द्रले कटाए १५ हजार मत

जनकपुरका राजगुठीअन्तर्गतका पोखरी अतिक्रमण हटाउने दोस्रो चरणको प्रक्रिया शुरु, ७ दिने सार्वजनिक सूचना जारी

नेपालवाच २०८० वैशाख १२ गते १५:००

काठमाडाैं । बारा–२ प्रतिनिधिसभा सदस्यका लागि भएको उपनिर्वाचनमा गठबन्धनबाट साझा उम्मेदवार रहेका जसपाका अध्यक्ष उपेन्द्र यादवले १५ हजारभन्दा बढी मतसहित अग्रस्थान कायमै राखेका छन् ।

पछिल्लो मतपरिणाम अनुसार यादवले १५ हजार ९८० मत प्राप्त गरेका छन् । उनका निकटतम प्रतिस्पर्धी जनमत पार्टीका उम्मेदवार शिवचन्द्र कुशवाहले ११ हजार १९८ मत ल्याएका छन् ।

एमालेका उम्मेदवार पुरुषोत्तम पौडेलले ५ हजार १४१ मत पाएका छन् । रास्वपाका उम्मेदवार रमेश खरेलले भने २ हजार १२९ मत प्राप्त गरेका छन् ।