काठमाडाैं । नेपाल राष्ट्र बैंकले विभिन्न कोषमा रहेको दुई अर्ब बराबरको रकम मुद्दती निक्षेपमा लगानी गर्ने भएको छ । केन्द्रीय बैंकले एक सूचनामार्फत क, ख र ग वर्गका बैंक तथा वित्तीय संस्थामा लगानी गर्ने भएको हो ।

केन्द्रीय बैंकले सो रकम एक वर्षका लागि ( यहि जेठ २ गतेदेखि २०८१ जेठ २ गते) सम्म मुद्दती निक्षेपमा राख्न चाहेको हो ।सूचनाअनुसार क वर्गका वाणिज्य बैंक रु एक अर्ब ६० करोड, ख वर्गका बैंकले रु ३० करोड २ लाख  र ग वर्गका राष्ट्रियस्तरका वित्त कम्पनीमा रु १० करोड बराबरको रकम मुद्दती निक्षेपमा राख्न खोजेको हो ।

बैंकले यही वैशाख १७ गते राति १२ बजेसम्म बैंक तथा वित्तिय संस्थालाई ब्याजदर प्रस्ताव गर्न आग्रह गरेको छ ।