काठमाडाैं । सानिमा बैंकले सानिमा दिर्घायु बचत योजनाअन्तर्गत १० लाख रूपैयाँको दुर्घटना बीमा दाबी रकम भुक्तानी गरेको छ ।  सानिमा बैंकका खातावाला उदय कुमार साहको दुर्घटना भई मुत्यु भएकोले मृत्यकको हकवाला श्रीमती आशा कुमारीलाई सानिमा दिर्घायु बचत योजना अन्तर्गत १० लाख रूपैयाँको दुर्घटना बीमा रकम भुक्तानी गरिएको हो ।

सानिमा बैंकका मधेश प्रदेश प्रमुख श्री दिपेश सिंह ठकुरीले बीमा प्रदायक कम्पनी सिद्धार्थ इन्स्योरेन्स लिमिटेडको संयोजनमा बीमा रकमको चेक हस्तान्तरण गरे । स्वर्गीय उदय कुमार साहले सानिमा बैंकको पटेर्वासुगौली शाखामा उक्त योजना अन्तर्गत बचत खाता खोलेका थिए ।

सानिमा बैंकले दिर्घायु बचत योजना अन्तर्गत १० लाख रूपैयाँको दुर्घटना बीमा, ३ लाख रूपैयाँसम्मको ६ जटिल रोगको उपचार बीमा, १० हजार रूपैयाँसम्मको ओपिडि भुक्तानी शुल्क सहितको ५० हजार रूपैयाँसम्मको औषधी उपचार बीमा, २५ हजार रूपैयाँको आवधिक जीवन बीमा र ५ हजार रूपैयाँको वार्षिक स्वास्थ्य परीक्षण सुविधा प्रदान गर्दै आइरहेको छ ।

सानिमा बैंकका देशका सातै प्रदेशमा १३० वटा कार्यालय तथा १२३ वटा एटीएम संचालनमा रहेका छन् ।