काठमाडौं । नेपाल राष्ट्र बैंकले वैशाख १७ गते (आइतबार) २१ अर्ब रूपैयाँ बराबरको ट्रेजरी बिल्स जारी गर्ने भएको छ । बैंकिङ प्रणालीमा तरलता अभावलाई न्यूनिकरण गर्न राष्ट्र बैंकले २१ अर्ब १०  करोड रुपैयाँ बजारमा प्रवाह गर्न लागेको हो । जसमध्ये ६ अर्ब रूपैयाँ  नयाँ ट्रेजरी बिल्स जारी हुन लागेको हो ।

बैंकले २८ दिन, ९१, १८२ र ३६४ दिनको लागि ट्रेजरी बिल्स जारी गर्न लागेक हो । इच्छुक बैंक तथा वित्तीय संस्थाले अनलाइन माध्यमबाट बोलकबोल गर्न सक्नेछन् ।

राष्ट्र बैंकले २८ दिनको लागि ४ अर्ब रुपैयाँको ट्रेजरी जारी गर्न लागेको छ । जुन  २०८० साल जेठ १६ गते परिपक्क हुने छ । ९१ दिनको लागि ८ अर्ब १० करोड रुपैयाँको ट्रेजरी जारी गर्न लागेको हो । यो ट्रेजरी २०८० साउन १६ गते परिपक्व हुनेछ । त्यस्तै, १८२ दिनको लागि १३ अर्बको जारी गर्न लागेको छ । जुन २०८० साल कार्तिक १४ गते परिपक्क हुनेछ । ३६४ दिनको लागि ४२अर्ब रुपैयाँ बराबरको ट्रेजरी बिल जारी गर्न लागेको छ । यो ट्रेजरी २०८१ वैशाख १८ गते परिपक्व हुनेछ ।