काठमाडौं (एजेन्सी) । अनलाइन ट्युसन प्रदायक र पुस्तक प्रकाशनका ठूला कम्पनीहरूको सेयरमा तीव्र गिरावट आएको छ।

च्याट जिपिटीजस्ता आर्टिफिसियल इन्टेलिजेन्स बटहरूले यस्ता कम्पनीको व्यवसाय प्रभावित हुने आँकलन भइरहेका बेला सेयरमा उछाल आएको हो ।

अमेरिकी कम्पनी चेगको सेयर मूल्य मंगलबार ५१ प्रतिशतले घटेको छ । यसबाट कम्पनीलाई एकै दिन एक अर्ब डलरभन्दा बढी घाटा लागेको बिबिसी समाचारमा जनाइएको छ ।

त्यसैगरी, बेलायती कम्पनी पियर्सनले पनि आफ्नो कुल मूल्यको छैटौं भाग गुमाएको छ ।

चेगका सीईओ ड्यान रोजेन्सवेगले विद्यार्थीहरू च्याट जीपीटीमा बढी चासो राखेको र कम्पनीले नयाँ ग्राहकहरूलाई आकर्षित गर्न नसकेको बताएका छन् ।

कम्पनीले आर्टिफिसियल इन्टेलिजेन्स बटहरूसँग लड्न आफ्नै एआई उपकरण पनि लन्च गरेको छ।