काठमाडौं । कलाकार रियाशा दाहाल वैवाहिक बन्धनमा बाधिएकी छन् ।

उनले ‘रुटिन अफ नेपाल बन्द’का सञ्चालक भिक्टर पौडेलसँग आज विवाह गरेकी हुन् । उनीहरूले भक्तपुर सूर्यविनायकस्थित एक रिर्सोटमा विवाह गरेको पारिवारिक स्रोतले जनाएको छ । रियाशाले विवाहअघि निकट साथिहरुसँग ब्याचलर पार्टीसमेत मनाएकी थिइन् ।

उनीहरू लामो समयदेखि गुपचुप प्रेमसम्बन्धमा थिए । कलाकार दाहाल युट्युब च्यानलमा प्रशारण हुने ‘आजकालका लभ’ सिरिजबाट चर्चित भएकी हुन् । पछि उनी उक्त सिरिजबाट अलग भएपछि ‘गाह्रो छ हो’  मा अभिनय गर्दै आएकी छन् । त्यस्तै भिक्टर ‘रुटिन अफ नेपाल बन्द’ का संस्थापक हुन् । उक्त पेज पछिल्लो समय निकै चर्चित छ ।