काठमाडौं । राष्ट्रपति रामचन्द्र पौडेलले शीतल निवासमा थन्किएको नागरिकता विधेयक सम्बन्धमा चासो देखाएका छन् ।

८ महिनादेखि अलपत्र परेको विधेयकका विषयमा छलफल गर्न राष्ट्रपति पौडेलले आइतबार कानुन व्यवसायीसँग छलफल गर्न लागेका हुन् । राष्ट्रपतिको कार्यालयले दिएको जानकारी अनुसार दिउँसो १ बजे उनले कानुनी परामर्श गर्न लागेका हुन् ।

संसदबाट २ पटक पारित भएको नागरिकता विधेयक निर्वतमान राष्ट्रपति विद्यादेवी भण्डारीले प्रमाणिकरण नगरेपछि गत भदौमा निष्कृय भएको थियो ।

नागरिकता विधेयकलाई अगाडि बढाउनका लागि शनिबार प्रधानमन्त्री पुष्पकमल दाहाल प्रचण्डले कानुन व्यवसायीसँग छलफल गरेका थिए ।