काठमाडौं । विपाश्यना ध्यानका लागि नेपाल आएका बलिउड अभिनेता आमिर खान बीचमै फर्किएका छन् ।

बुढानीलकण्डस्थित विपश्यना केन्द्रमा सोमबारदेखि ध्यान गर्दै आएका उनी साधना छोडेर आज फर्किएका हुन् । उनी आज विहान साढे ८ बजे त्यहाँबाट निस्किएको बताइएको छ ।

त्यहाँबाट निस्कियलगत्तै उनी इण्डिगो एयरलाइन्सबाट मुम्बइ फर्किसकेका छन् ।

दश दिनसम्म चल्ने उक्त ध्यान उनले चार दिनमै छोडेर हिँडेका हुन् । साथीको मृत्युको खबर आएपछि उनी भारत फर्किएको जनाइएको छ ।