काठमाडौं । नेपाल राष्ट्र बैंकले २४ अर्ब ७४ रूपैयाँ बराबरको ट्रेजरी बिल्स जारी गर्ने भएको छ । जसमध्ये ६ अर्ब रूपैयाँ  नयाँ ट्रेजरी बिल्स जारी हुन लागेको हो ।

बैंकले २८ दिन, ९१, १८२ र ३६४ दिनको लागि ट्रेजरी बिल्स जारी गर्न लागेक हो । इच्छुक बैंक तथा वित्तीय संस्थाले अनलाइन माध्यमबाट बोलकबोल गर्न सक्नेछन् ।

राष्ट्र बैंकले २८ दिनको लागि ५ अर्ब रुपैयाँको ट्रेजरी जारी गर्न लागेको छ । जुन  २०८० साल जेठ ३० गते परिपक्क हुने छ । ९१ दिनको लागि ८ अर्ब रुपैयाँको ट्रेजरी जारी गर्न लागेको हो । यो ट्रेजरी २०८० साउन ३० गते परिपक्व हुनेछ । त्यस्तै, १८२ दिनको लागि ९ अर्ब ८५ करोड रूपैयाँको जारी गर्न लागेको छ । जुन २०८० साल कार्तिक २८ गते परिपक्क हुनेछ । ३६४ दिनको लागि १ अर्ब ८९ करोड रुपैयाँ बराबरको ट्रेजरी बिल जारी गर्न लागेको छ । यो ट्रेजरी २०८१ जेठ २ गते परिपक्व हुनेछ ।