काठमाडौं । मलेसियामा हुन गइरहेको टि–ट्वान्टी सिरिजका लागि नेपाली राष्ट्रिय महिला क्रिकेट टोलीको घोषणा भएको छ ।

मलेसियाको घरेलु मैदानमा आगामी मे २९ बाट सुरु हुने सिरिजमा रुबिना क्षेत्रीको कप्तानीमा नेपालले १८ सदस्यीय प्रारम्भिक टोली घोषणा गरेको हो ।

नेपाली टिममा सीता राना मगर, इन्दु बर्मा, कविता कुँवर, कविता जोशी, अस्मिना कर्माचार्य, संगीता राई, विनोद रावल, ममता चौधरी, अप्सरी बेगम, काजोल श्रेष्ठ, ज्योति पाण्डे, कीर्तिका मरासिन, सम्झना खड्का, सोनु पाखरिन, ईश्वरी बिष्ट, श्रृष्टि जैशी र सरस्वती चौधरी समेटिएका छन् ।

यो प्रारम्भिक टिम हो । यसमा पछि थप/घटसमेत हुनसक्छ ।

टिमको कोच सामसुङ जंग थापाले गर्नेछन् ।