एजेन्सी । ट्राफिक जामबाट बच्न अमिताभ बच्चन र अनुष्का शर्माले सोमबार आफूले चढिरहेको कार छोडेर मोटरसाइकलमा लिफ्ट लिए ।

दुवैको तस्विर सामाजिक सञ्जालमा निकै भाइरल भइरहेको छ । मोटरसाइकल चढ्दा हेलमेट नलगाएको भनेर मुम्बई प्रहरीले उनीहरू दुवैलाई कारवाही गर्ने भएको छ ।

अमिताभले सोमबार सामाजिक सञ्जालमा उक्त तस्विर सेयर गरेका छन् । जसमा उनले लिफ्ट दिने व्यक्तिलाई धन्यवाद दिएका छन् ।

सामाजिक सञ्जाल प्रयोगकर्ताहरूले दुवै स्टारविरुद्ध हेलमेट बिना बाइकमा बसेकोमा गुनासो गरेका थिए ।

त्यसपछि मुम्बई प्रहरीले प्रयोगकर्ताको ट्विटको जवाफ दिँदै ट्राफिक प्रहरी शाखासँग कुरा राखेको बताएको थियो ।