काठमाडौं । नेकपा एमालेका उपमहासचिव विष्णु रिमालले आफूविरुद्ध गरेको टिप्पणीको प्रतिवाद नगर्ने धरान उपमहानगरपालिकाका मेयर हर्कराज राईले बताएका छन् ।

पार्टीद्वारा आयोजित एक कार्यक्रममा रिमालले उनीप्रति इंगित गर्दै गरेको अराजनीतिक टिप्पणीले सामाजिक सञ्जालमा क्रिया–प्रतिक्रिया उत्पन्न भइरहेका बेला राईले प्रतिवाद नगर्ने जनाएका हुन् ।

आलोचकप्रति कडा रूपमा प्रस्तुत हुने राईले रिमाललाई गुइँठेको संज्ञा दिँदै यसको जिम्मा आफ्ना समर्थक, शुभचिन्तक सार्वभौम नेपाली जनतालाई दिने जनाएका छन् ।

‘विष्णु रिमाल कि खोर्इ के भन्ने गुइँठेले के भने भन्ने कुराको प्रतिवाद गर्दिनँ म । मेरा समर्थक र शुभचिन्तक सार्वभौम नेपाली जनतालाई छोड्दिन्छु,’ उनले लेखेका छन् ।