काठमाडौं । निजी वायुसेवा कम्पनी बुद्ध एयरले जहाजमा मुसा भेटिएको पुष्टि गर्दै यात्रुहरूलाई आफ्नो सामाना राम्ररी प्याक गरेर ल्याउन भनेको छ ।

शनिबार जहाजमा मुसाको आतंकपछि बुद्ध एयरले यात्रुहरूलाई आफ्नो ब्यागेज र लगेजलाई राम्ररी प्याक तथा बन्द गरेर ल्याउन सुझाएको छ हो ।

हिजो जनकपुरमा मुसा देखिएपछि रोकिएको जहाजको ट्रयापमा आज मुसा भेटिएको हो ।

मुसा भेटिएपछि जहाजलाई पूर्ण रूपमा चेकजाँच गरी २–३ घण्टासम्म रनअप लिएर सजगता अपनाइएको पनि एयरलाइन्सले जनाएको छ । बुद्ध एयरका अनुसार प्रशिक्षक चालक र प्राविधिक टोलीले उक्त जहाजलाइए काठमाडौं ल्याएको छ ।

थप निरिक्षण गरेर जहाजमार्फत आज दिउँसैबाट व्यवसायिक उडान थालिने एयरलाइन्सले जनाएको छ ।