काठमाडाैं । नेपालमा हालको तल्लो र उपल्लो वायुमण्डलको अध्ययन र विश्लेषणअनुसार नेपालमा यस वर्षको मनसुनको आगमन हुन अझै केही दिन लाग्ने देखिन्छ ।

हाल देशभरको तापक्रम उच्च मात्रले बढेको छ भने तराइ क्षेत्रमा अझ बढी गर्मी बढेको छ ।

जल तथा मौसम विज्ञान विभाग मौसम पूर्वानुमान महाशाखाका अनुसार तराईको मध्य क्षेत्र सप्तरीदेखि भैरहवा क्षेत्रमा अधिकतम तापक्रम ४० डिग्री सेल्सियस नाघेको छ भने नेपालगञ्जलगायत क्षेत्रमा अधिकतम तापक्रम ४० डिग्री हाराहारी छ ।

विभागका अनुसार यसपालिको मनसुनी दक्षिणी भारतको केरला आइपुगेको छ। नेपालमा भने मनसुन सुरू हुन केही समय लाग्ने अनुमान महाशाखाले गरेको छ ।

केरालामा १ जुनदेखि मनसुन सुरू हुने भएपनि यसपाली ढिला गरी सुरू भएको छ । केरालामा सुरू भएको करिब १३ दिनपछि नेपालमा मनसुन भित्रिन्छ ।