काठमाडौं । नेपाल रिपब्लिक मिडियाले आजदेखि सर्वसाधरणका लागि आइपिओ निष्काशन गरेको छ ।

कम्पनीले जारी पुँजीको ९६ करोड ७५ लाख रुपैयाँको ४४.९९२२ प्रतिशत अर्थात ४३ करोड ५३ लाख रुपैयाँको आइपिओ बिक्रीमा ल्याएको कम्पनीले जनाएको छ । कम्पनीले प्रति १०० अकिंक रुपैयाँका कुल ४३ लाख ५३ हजार कित्ता सेयर निष्कासन गरेको हो ।

यसमध्ये १ लाख ७४ हजार १२० कित्ता सेयर कर्मचारी, २ लाख १७ हजार ६५० कित्ता सेयर सामूहिक लगानी कोषका लागि व्यवस्था गरिएको छ । कम्पनीका अनुसार आइपिओमा सर्वसाधारणले जेठ ३० सम्ममा र ढिलोमा असार ८ गतेसम्मा आवेदन दिन सक्नेछन् ।

आइपिओको बिक्री प्रबन्धक मेगा क्यापिटल रहेको छ ।