काठमाडौं। प्रधानमन्त्री पुष्पकमल दाहाल प्रचण्डविरुद्ध जनयुद्धकालीन अर्को एक रिट सर्वोच्च अदालतले दर्ता गर्न आदेश दिएको छ ।

लेनिन विष्टले दायर गरेको रिट निवेदन अदालतले शुक्रबार दर्ता गर्न आदेश दिएको हो । तत्कालीन माओवादीले आफूजस्ता नाबालकलाई बालसेना बनाएर जबरजस्ती अयोग्य लडाकु घोषणा गरी शिविरबाट निकाला गर्नु युद्ध अपराध भएको भन्दै प्रचण्डविरूद्ध रिट दायर गरेका थिए ।

यसअघि सर्वोच्च प्रशासनले विष्टले दायर गरेको रिट संक्रमणकाली न्यायभित्र पर्ने ठहर गर्दै रिट निवेदन दरपीठ गरेको थियो । यस्तै जनयुद्धमा मारिएका ५ हजार जनाको जिम्मा आफूले लिने भनेर तीन वर्षअघि दिएको सार्वजकि अभिव्यक्तिलाई लिएर उनीविरूद्ध मुद्दा दायर भएको थियो ।