एजेन्सी । टर्कीको प्रहरीले पश्चिमी शहर इज्मिरमा ऐतिहासिक कलाकृति तस्करविरुद्ध कारबाही गर्ने क्रममा दुई हजार वर्ष पुरानो मूर्ति कब्जा गरेको छ ।

अनादोलु एजेन्सीले शनिबार जनाएअनुसार प्रहरीले इज्मिरको काराेबाग्लर जिल्लामा पुरानो खजानाको तस्करीमा संलग्न रहेको विश्वास गरिएका एक जना संदिग्धको घरमा छापा मार्दा सो पुराततात्विक वस्तु फेला पारेको थियो।

उक्त मूर्तिको टाउको देवी वा हेलेनिस्टिक कालदेखिको कुलीन चित्रण गर्ने संगमरमरको मूर्तिको अंश मानिएको छ । उक्त कलाकृति विदेश तस्करी गर्ने प्रयास गर्ने अभियुक्तविरुद्ध कानुनी प्रक्रिया अघि बढाइएको छ ।