काठमाडौं । धरान उपमहानगरपालिकाका मेयर हर्क साम्पाङले दक्षिण भारतीय चलचित्र ‘आदिपुरुष’ प्रदर्शन नगर्न आग्रह गरेका छन्।

उनले आज सामाजिक सञ्जालमा स्टाटसमार्फ उपमहानगरपालिकाभित्र उक्त चलचित्र प्रदर्शन नगर्न भनेका हुन् । ‘धरानमा आदिपुरुष प्रदर्शन नगर्नुहोला,’ उनले लेखेका छन् ।

फिल्ममा भएको ‘सीता भारतकी छोरी हुन्’ भन्ने संवादका कारण यतिबेला काठमाडौं र पोखरा महानगरपालिकामा कुनै पनि भारतीय फिल्म प्रदर्शन नगर्ने निर्णय भइसकेको छ ।

उक्त संवाद नेपालमा मात्रै नभएर भारतमा पनि नहटाएसम्म दुई महानगरले कुनै पनि हिन्दी फिल्म प्रदर्शन नगर्ने अडान लिएका छन् ।