काठमाडौं । जनता समाजवादीका अध्यक्ष एवं समाजवादी मोर्चाका नेता उपेन्द्र यादवले नेपाली बाबु आमाबाट जन्मेका सन्तानलाई नागरिकता नदिने षड्यन्त्र भइरहेको बताएका छन् ।

सोमबार राष्ट्रिय सभाकाे घोषणा सभामा बोल्दै उनले संसदबाट दुइ दुईपटक पारित भएको नागरिकता विधेयक राष्ट्रपतिबाट प्रमाणीकरण भएकोमा केहीलाई टाउको दुःखेको आरोप लगाए ।

‘संसदले दुई- दुईपटक पारित गरेको नागरिकता विधेयक राष्ट्रपतिबाट प्रमाणीकरण भएकोमा केहीलाई टाउको दुःखेको छ’, उनले भने, ‘नेपाली बावु आमाका सन्तानलाई नागरिकता नदिने षड्यन्त्र हो । षड्यन्त्रकाविरूद्ध उभिन सबैलाई आग्रह गर्दछु ।’

उनले विभिन्न आन्दोलनबाट प्राप्त उपलब्धलाई उल्टाउन अहिले विभिन्न खेल भएकाले त्यसविरूद्ध एकजुट हुने बताए ।