काठमाडाैं । थ्रीस्टार हाइड्रोपावर लिमिटेडले आज (असार ५) गते सर्वसाधारणका लागि आइपीओ बिक्री खुला गरेको छ ।

कम्पनीले १२ करोड ३१ लाख २५ हजार रुपैयाँ बराबरको आइपीओ बिक्रीमा ल्याएको हो । यसभन्दा अघि कम्पनीले  १० प्रतिशत अर्थात् ७३ हजार ८७५ कित्ता वैदेशिक रोजगारीमा रहेका नेपालीका लागि र आयोजना प्रभावित क्षेत्रका स्थानीय बासिन्दालाई पनि ४ लाख ९२ हजार ५०० कित्ता सेयर निष्कासन  गरिसकेको छ ।

अब  बाँकी ६ लाख १३ हजार १६२ कित्ता सेयर सर्वसाधारणको लागि छुट्याएको छ । त्यस्तै ३६ हजारर ९३८ कित्ता म्युचल फण्ड र १४ हजार ७७५ कित्ता कर्मचारीको लागि छुट्याएको छ । सो आइपीओमा असार ८ गतेसम्म आवेदन दिन सकिनेछ । सो अवधिमा सबै सेयर बिक्री नभएमा भने असार १९ गतेसम्म आवेदन दिन सक्ने कम्पनीले जनाएको छ ।

लगानीकर्ताले यसमा न्यूनतम १० कित्तादेखि अधिकतम ५० हजार कित्ताका लागि आवेदन दिन सक्नेछन् । लगानीकर्ताले आइपीओ सी–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सकिनेछ ।

कम्पनीको सेयर निष्कासन तथा बिक्री प्रबन्धक हिमालयन क्यापिटल रहेको छ ।