काठमाडौं । गृहमन्त्री नारायणकाजी श्रेष्ठले विशिष्ट व्यक्तिहरूको सुरक्षामा खटिएका ३१६ जना सुरक्षाकर्मी गृह मन्त्रालयले फिर्ता गरेको बताएका छन् ।

आज प्रतिनिधिसभामा बजेटमाथि उठेका प्रश्नको जवाफ दिँदै उनले उक्त जानकारी दिएका हुन् ।

मन्त्री श्रेष्ठका भनाईमा कार्यविधि विपरित पूर्वविशिष्ट पदाधिकारीको सुरक्षामा खटिएका ती सुरक्षाकर्मी फिर्ता गरिएको हो । फिर्ता हुनेमा नेपाल प्रहरीका १९० र सशस्त्र प्रहरी बल नेपालका १२६ जना सुरक्षाकर्मी छन् ।

यसरी विशिष्ट व्यक्तिको सुरक्षामा खटिएका सुरक्षाकर्मी फिर्ता बोलाउने निर्णय पूर्व गृहमन्त्री रवि लामिछानेले गरेका थिए । अहिले भने सरकारले कार्यविधि नै तयार पारेर यसको प्रतिवेदन तयार पारेको श्रेष्ठको भनाईं छ ।