काठमाडौं । स्वास्थ्य तथा जनसंख्या मन्त्रालयले दुई सय ९५ जना नर्स नियुक्त गरेको छ । उनीहरू लोकसेवा आयोगको परीक्षा उत्तीर्ण गरी नियुक्तिका लागि सिफारिस भएका थिए ।

त्यसमध्ये दुई सय ४६ जना नर्सलाई वीर अस्पतालमा नियुक्त गरिएको छ भने बाँकीलाई ४९ जनालाई अन्य विभिन्न ठाउँमा रहेका संघीय अस्पतालमा खटाइनेछ ।

पछिल्लो समय विदेश पलायन हुने नर्सको संख्या बढिरहेको बेलामा सरकारले झण्डै तीन सयजनालाई नियुक्ति दिएको हो ।