काठमाडाैं । बलिउड अभिनेता शाहरुख खानसँग जोडिएको एउटा खबर सार्वजनिक भएको छ । अमेरिकाको लस एन्जलसमा सुटिङका क्रममा उनी दुर्घटनामा परेका छन् ।

दुर्घटनामा उनको नाकमा चोट लागेको छ । दुर्घटना हुनेवित्तिकै उनलाई तत्काल अस्पताल लगिएको थियो ।

भारतीय सञ्चारमाध्यमका अनुसार उनको नाकको चोट गहिरो नभएको बताएका छन् । साथै डाक्टरहरूले आत्तिनुपर्ने कुनै अवस्था नभएको जानकारी दिएका छन् । अहिले उनी आफ्नो घर मन्नत फर्किसकेका छन् ।

शाहरुखको दुर्घटनाको खबर सार्वजनिक हुने बित्तिकै अभिनेताका सबै फ्यानहरुले शिघ्र स्वास्थ्य लाभको कामना गरिरहेका छन् ।