काठमाडाैं । नेपाली कमेडिएनहरूको ग्रुप हयाप्पी ग्रुपले शुक्रबार ‘गाह्रो छ गौरव’ कमेडी शो आयोजना गर्ने भएको छ । आयोजक टिमका अनुसार ह्यापी क्लव सिनामंगलमा शुक्रबार ६ बजेदेख उक्त शो हुँदैछ ।

उक्त कमेडी शो मा कमेडियन क्षेत्रमा भर्खरै उदाउँदै गरेका कमेडिएन गौरव पौड्यालले प्रस्तुति दिने कार्यक्रम रहेको छ । शो मा कम्युटर इन्जिनियर पौड्यालले कमेडिएन क्षेत्रमा गर्नुपरेका संघर्षको यात्राको बारेमा अनुभव सेयरसमेत गर्नेछन् ।

शो एक घण्टा २० मिनटेको रहेको छ भने टिकेट १९९ रूपैयाँ रहेको छ । टिकेट ह्याप्पी क्लव डट.कममा उपलब्ध रहेको आयोजकले जनाएको छ ।

ह्याप्पी क्लब हाँसो, आनन्द, खुशी साझा गर्ने कमेडिएन कलाकारहरको एउटा ग्रुप हो । जहाँ कमेडी, कविता र खुला माइक प्रस्तुति हुँदै आएको छ । ३० सीट क्षमता भएको उक्त स्टेज धुम्रमान, मद्यपानरहित स्वस्थ वातावारणमा शो हुने गरेको आयोजक टिमले जनाएको छ ।

साथै उक्त स्टेजमा हरेक बुधबार स्ट्यान्ड अप कमेडी, कविता र लाइभ म्युजिक हुँदै आएको छ । जोकोहीले त्यहाँ आफ्नो प्रस्तुति दिन पाउनेछन् ।