काठमाडौं । सरकारले ट्रेजरी बिल्समार्फत १७ अर्ब ७० करोड रूपैयाँ बराबरको आन्तरिक ऋण उठाउने भएको छ । यसको बोलकबोल सोमबार दिउँसो ३ बजे हुनेछ ।

नेपाल राष्ट्र बैंकले २८ दिन र  ९१ दिनको लागि ट्रेजरी बिल्स जारी गर्न लागेकाे हो । इच्छुक बैंक तथा वित्तीय संस्थाले अनलाइन माध्यमबाट बोलकबोल गर्न सक्नेछन् ।

राष्ट्र बैंकले २८ दिनको लागि १० अर्ब रुपैयाँको ट्रेजरी बिल जारी गर्न लागेको छ । जुन  २०८० साल साउन ३० गते परिपक्व हुनेछ । त्यस्तै, ९१ दिनको लागि ७ अर्ब ७० करोड रुपैयाँको ट्रेजरी बिल जारी गर्न लागेको हो । यो ट्रेजरी २०८० असोज ३० गते परिपक्व हुनेछ ।