काठमाडौं । साउन १ गते दिउँसो १ बजेलाई बोलाइएको राष्ट्रिय सभा बैठक अनिश्चित समयका लागि स्थगित भएको छ ।

आइतबार संघीय संसदका महासचिव डा. भरतराज गौतमले विज्ञप्ति जारी गर्दै विशेष कारणबस बैठक स्थगित गरिएको उल्लेख गरेका छन् ।

‘राष्ट्रिय सभा नियमावली २०७५ को नियम ६ को उपनियम (३) बमोजिम अध्यक्षले अर्को सूचना र मिति नतोकिएसम्मका लागि बैठक स्थगित गरिएको व्यहोरा माननीय सदस्यहरूको जानकारीको लागि यो सूचना प्रकाशित गरिएको छ’, विज्ञप्तिमा उल्लेख छ ।

प्रधानमन्त्रीको राजीनामा माग्दै तीन पटकसम्म अवरोध भएको संसद बैठक प्रधानमन्त्री प्रचण्डले संसदमा सम्बोधन गरेपछि सोमबार खुलेको थियो ।