काठमाडौं । यस वर्षका माध्यमिक शिक्षा परीक्षा (एसईई) का परीक्षार्थीले पुनर्योगका लागि निवेदन दिने आज अन्तिम दिन रहेको छ ।

राष्ट्रिय परीक्षा बोर्ड परीक्षा नियन्त्रण कार्यालयले पुनर्योगका लागि निवेदन यही साउन ५ गतेसम्म दिन आह्वान गरेको थियो ।

पुनर्योगका लागि सम्बन्धित शिक्षा विकास तथा समन्वय एकाइमा वा भक्तपुरको सानोठिमीस्थित परीक्षा नियन्त्रण कार्यालयमा गएर निवेदन दिन सकिन्छ ।

एसईईको असार २१ गते नतिजा सार्वजनिक भएको थियो । एसईईको पूरक परीक्षा यही साउन २६ र २७ गते हुँदैछ ।