आज सचिव राउतलगायतको रिटमा निर्णय हुँदै

वर्षमा एक दिन खुल्ने तलेजु भवानी मन्दिर भोलि सर्वसाधारणका लागि खुला

नेपालवाच २०८० साउन ५ गते ११:४३

काठमाडौं । सर्वोच्च अदालतले आज ललिता निवास जग्गा प्रकरणमा पक्राउ परेका सञ्चारसचिव कृष्णबहादुर राउतलगायतको बन्दीप्रत्यक्षीकरणको मुद्दामा आदेश दिँदैछ ।

राउत सँगै निर्वाचन आयोगका पूर्वआयुक्त सुधीरकुमार शाह, भाटभटेनी डिपार्टमेन्ट स्टोरका सञ्चालक मीनबहादुर गुरुङ र मालपोत कार्यालयका पूर्व कर्मचारी धर्मप्रसाद गौतमको निवेदनमा आज अदालतले निर्णय गर्ने भएको हो ।

उनीहिरू आफूलाई गैरकानुनी रूपमा पक्राउ गरिएको भन्दै बन्दीप्रत्यक्षीकरणको रिट निवेदन दर्ता गराएका थिए ।

नेपाल प्रहरीको केन्द्रीय अनुसन्धान ब्यूरो (सिआइबी) ले उनीहरूलाई सरकारी जग्गा किर्ते प्रकरणमा पक्राउ गरेको हो ।