काठमाडौं । बुधबार साँझ त्रिभुवन अन्तर्राष्ट्रिय विमानस्थलबाट बरामद भएको एक सय किलो सुन प्रकरणबारे अनुसन्धान गर्न अर्को पनि समिति गठन भएको छ ।

यसबारे विस्तृत अनुसन्धान गर्न राजस्व अनुसन्धान विभागले समिति गठन गरेको हो । भन्सार विभागले पनि हिजो निर्देशकको संयोजकत्वमा समिति गठन गरिसकेको छ ।

राजस्वले आज चार सदस्यीय समिति गठन गरेको छ ।

विभागले बुधबार विशेष अपरेसनमार्फत त्रिभुवन विमानस्थलको भन्सार पास भइसकेको सुन सिनामंगलबाट बरामद गरेको थियो ।