काठमाडौं । त्रिभुवन अन्तर्राष्ट्रिय विमानस्थलबाट भन्सार पास भइसकेको अवस्थामा फेला परेको क्वीन्टल बढी सुन प्रकरणमा ६ जना पक्राउ परेका छन् ।

आज राजस्व अनुसनधान विभागको टोलीले विमानस्थल भन्सार कार्यालयका अधिकृतसहित तीनजना कर्मचारी र तीनजना भन्सार एजेन्टलाई पक्राउ गरेको हो ।

योसँगै अब पक्राउ पर्नेको संख्या १६ जना पुगेको छ ।

विभागको टोलिले स्कुटरको ब्रेक शुमा लुकाएर ल्याइएको उक्त सुन सिनामंगलबाट बरामद गरेको थियो ।