काठमाडौं । अविरल वर्षापछि गएको पहिरोले घर पुरिएर संघीय राजधानी काठमाडौंमा दुई जनाको मृत्यु भएको छ भने एक जना घाइते भएका छन् ।

काठमाडौंको तारकेश्वर नगरपालिकास्थित चो गाउँमा गएराति पहिरोले घर पुर्दा बाबुछोरीको मृत्यु भएको हो ।

मृत्यु हुनेमा गणेश तामाङ र उनकी छोरी छन् ।

पहिरोले पुरिएर गणेशको घटनास्थलमै र छोरीको उपचारका क्रममा मृत्यु भएको प्रहरीले जनाएको छ ।

घटनाका बेला घरमा गणेशका श्रीमती र छोरा पनि थिए । तीमध्ये श्रीमतीको खुट्टामा चोट लागेको र छोरा भने सकुशल रहेको प्रहरीले जनाएको छ ।