काठमाडौं । न्यायाधीशको सुरक्षामा खटिएका पिएसओकै बन्दुक चोरी ? सुन्दा आश्चर्य लाग्न सक्छ । तर यस्तै अनौठो घटनामा संलग्नको आरोपमा प्रहरीले दुई जनालाई नियन्त्रणमा लिएको छ ।

सर्वोच्च अदालतका न्यायाधीश नहकुल सुवेदीका निजी सुरक्षा अधिकृत (पीएसओ) प्रभाकार खड्काको पेस्तोल चोरी भएको हो । खड्काले कोठामा ब्यागभित्र राखेको पेस्तोल चोरी भएको जनाइएको छ । यसबारे उजुरी परेपछि प्रहरीले दुई जनालाई नियन्त्रणमा लिएर अनुसन्धान थालेको छ ।

घटनामा संलग्नको अभियोगमा पक्राउ पर्नेमा वासुदेव थामी र मेगबहादुर तामाङ छन् । उनीहरू क्रमशः सिन्धुपाल्चोक र सिन्धुलीका हुन् ।

जिल्ला प्रहरी परिसर, काठमाडौंले ३० असारमा चोरी भएको पेस्तोल बौद्धको शिवमन्दिरनजिकैबाट बरामद गरेको जनाएको छ ।