काठमाडौं । कोशी प्रदेशका मुख्यमन्त्री उद्दव थापाले आजै विश्वासको मत लिने भएका छन् ।

मुख्यमन्त्रीले आजै विश्वासको मत लिने भएपछि प्रदेशसभाको बैठक कांग्रेस सांसद ईस्राईल मन्सुरीले सञ्चालन गर्ने छन् । कोशी प्रदेशसभामा सभामुख छैनन् । यसअघिका सभामुख बाबुराम गौतमले राजीनामा दिएका थिए ।

उनले गठबन्धनको सरकार गठनका लागि बहुमत (४७) पुगाउन राजीनामा दिएका थिए । सभामुख नभएपछि उपसभामुखले बैठक सञ्चालन गर्नु पथ्र्यो ।

तर उपसभामुख सृजना दनुवारले बिरामी भएको कारण देखाउदै काठमाडौं गएपछि ज्येष्ठ सदस्यका रुपमा मन्सुरीले नै बैठक सञ्चालन गर्ने तोकेकी थिइन् ।

सत्तारुढ गठबन्धनले मन्सुरीले बैठकको अध्यक्षता गर्दै मुख्यमन्त्री थापालाई विश्वासको मत दिने निर्णय गरेको हो । कार्यव्यवस्था परामर्श समितीको बैठकले ३ बजे सभा बस्ने कार्यसूची तय गरेको हो । प्रदेशसभाको बैठक अहिले केहि बेरमा  बस्दै छ ।