काठमाडौं । नेपाली कांग्रेसको पदाधिकारी बैठक सुरु भएको छ । सभापति शेरबहादुर देउवा निवास धुम्बाराहीमा केहि बेरअघि बैठक सुरु भएको हो ।

बैठकमा पार्टीको सांगठनिक गतिविधि र मुुलुकको समसामयिक राजनीतिक घटनाक्रमबारे छलफल हुने एक पदाधिकारीले जानकारी दिए ।

यस्तै बैठकमा साउन २० देखि ३० सम्म भएको पार्टी संगठन सुदृढीकरण अभियानको समीक्षा र दोस्रो चरणको अभियानबारे छलफल पनि हुने छ ।

नगरिकसँग प्रत्यक्ष जोडिने कार्यक्रमसहित भदौ १० देखि २४ सम्मको कांग्रेसले दोस्रो चरणको अभियान गर्दैछ ।

बैठकमा विभागका विषयमा पनि छलफल हुने जनाइएको छ । विभाग र भ्रातृ संस्थालाई पूर्णता १५ भदौसम्म दिने पार्टीले निर्णय गरेको थियो ।