काठमाडौं । नेपाली कांग्रेसले नेता राजाराम कार्कीको निधनमा आज र भोली पार्टीको झण्डा आधा झुकाउने भएको छ ।

कांग्रेसका पूर्व केन्द्रीय सदस्य तथा तरुण दलका पूर्वमहासचिव ६६ वर्षका कार्कीको बुधबार निधन भएको थियो ।

उनको निधनपछि केन्द्रीय समितिको आकस्मिक बसेको बैठकले २ दिन पार्टीको झण्डा झुकाउने निर्णय गरेको हो ।

बैठकले कार्कीको निधनमा शुक्रबार केन्द्रीय र जिल्ला कार्यालयहरु बन्द गर्ने निर्णय गरेको छ ।

कार्कीको आज पशुपति आर्यघाटमा दाहसंस्कार गरिने छ ।