काठमाडौं । चार राष्ट्र सम्मिलित महिला टीट्वान्टी क्रिकेट प्रतियोगितामा नेपालले मलेसियालाई ८४ रनको लक्ष्य दिएको छ ।

टस हाररे ब्याटिङ गरेको नेपालले निर्धारित १८ ओभरमा सात विकेट गुमाएर ८३ रनमात्र बनाउन सक्यो ।

ओपनर पूजा महतो एक रन बनाउँदै पेभेलियन फर्किइन् । अर्की ओपनर काजल श्रेष्ठले १८ रन बनाइन् ।

इन्दु बर्माले २० रन बनाइन् । सीता रानामगरले ९ रन बनाउँदै पेभेलियन फर्किइन् । कप्तान रुबिना क्षेत्रीले २३ रन बनाइन् ।

सम्झना खड्काले दुई र कविता कुँवरले एक रन थपे । कविता जोशीले ४ र बिन्दू रावल १ रनमा अविजित रहिन् ।

मलेसियाका बलर नुर दानिया सुहादा, माहिरा इजाती इस्माइली र आइना हमिजाह हासिमले दुई–दुई विकेट लिए ।

मलेसियाले अहिले जवाफी ब्याटिङ गरिरहेको छ । यो समाचार तयार पार्दासम्म मलेसियाले ६ ओभरको खेल चलि रहँदा २ विकेट गुमाएर ३५ रन बनाएको छ ।