काठमाडौं । नेकपा एकिकृत समाजवादीका महासचिव धनश्याम भुसालले एमाले अध्यक्ष केपी ओलीकै कारण वाम आन्दोलनको सबै सम्भावना टुटेको बताका छन् ।

शुक्रबार काठमाडौंमा आयोजित एक कार्यक्रमलाई सम्बोधन गर्दै भुसालले नेपाली वाम आन्दोलनमा पसेको ओली प्रवृत्तिका कारणले सम्भावना टुटेको बताए ।

उनले ओलीकै कारण एमाले झनै संकटग्रस्त बन्दै गएको उल्लेख गरे ।

भुसालले भने, ‘ओलीजीका कारणले नेकपा एमाले झनै संकटग्रस्त बन्दैछ । संकटग्रस्तलाई पार्टीभित्र बस्न अझ बढी ओलीको भक्ति चाहिन्छ ।’

भुसालले ओलीको राजनीतिक उदयसँगै राजनीतिमा घृणा सुरु भएको पनि टिप्पणी गरे ।

‘राजनीतिमा जब हाम्रो ओली कमरेडको उदय सुरु भयो, त्यसपछि नेपालको राजनीतिमा घृणाको, निन्दाको, खुट्टा तानातानको, भर्त्सनाको गालीको यो एउटा परम्परा, संस्कृति हुँदै गयो,’ भुसालले भने ।