काठमाडौं । भारतको पुरुष ४X४०० रिले टोली एसियाली कीर्तिमान तोड्दै पहिलो पटक विश्व च्याम्पियनसिपको फाइनलमा प्रवेश गरेको छ ।

भारतीय टोलीले २ मिनेट ५९.०५ सेकेण्डमा दौड पूरा गरेको हो ।

योसँगै भारतीय टोली पहिलो पटक विश्व एथलेटिक्स च्याम्पियनसिपको फाइनलमा पुगेको छ ।

भारतीय टोलीमा मोहम्मद अनास याहिया, अमोज याकूब, मोहम्मद अजमल वरियाथोडी र राजेश रमेश थिए।

पहिलो हिट नम्बर १ मा भारत अमेरिकाभन्दा मात्र पछि रह्यो । अमेरिकी टोलीले यो दौड २ मिनेट ५८.४७ सेकेन्डमा पूरा गर्यो ।

अब टोलीले आगामी आइतबार फाइनल खेल्नेछ ।

यो सानदार जितसँगै भारतले कुनै पनि एसियाली टोलीको उत्कृष्ट समयको कीर्तिमान पनि तोडेको छ ।

यसअघि २ मिनेट ५९.५१ सेकेण्डमा दौड पूरा गरेर जापानले यो कीर्तिमान बनाएको थियो ।

जापानसँगै भारतीय टोलीले सन् २०२१ मा बनाएको आफ्नै राष्ट्रिय कीर्तिमान पनि तोडेको छ ।