जसपाको भागमा परेको समितिको सभापतिमा राजकिशोर उम्मेदवार

नेपालवाच २०८० भदौ १० गते १२:१२

काठमाडौं । जनता समाजवादी पार्टी (जसपा)ले आफ्नो भागमा परेको अन्तर्राष्ट्रिय सम्बन्ध र पर्यटन समितिको सभापतिमा राजकिशोर यादवलाई उम्मेदवार बनाउने भएको छ ।

सत्तारुढ गठबन्धन र प्रमुख प्रतिपक्षी नेकपा एमालेबीच भएको भागबन्डा अनुसार अन्तर्राष्ट्रिय सम्बन्ध समिति जसपाको भागमा परेको छ ।

संसदीय समिति सभापतिहरुका लागि आज आइतबार मनोनयनको समय तोकिएको छ ।

प्रतिनिधिसभाका १० वटा विषयगत समितिको सभापतिका लागि बिहान ११ बजेदेखि अपराह्न ४ बजेसम्म मनोनयन दर्ताको समय तोकिएको छ ।

समिति सभापतिहरुमा सत्तारुढ गठबन्धन र प्रमुख प्रचिपक्षीले भागबन्डा गर्दा रास्वपा र राप्रपालाई निषेध गरिएको छ ।