काठमाडौं । प्रधानमन्त्री पुष्पकमल दाहाल प्रचण्डले सामाजिक सद्भावमा खलबल पार्नेलाई सरकारले कुनै हालतमा छुट दिन नसक्ने बताएका छन् ।

प्रतिनिधिसभामा सांसदले सोधेको प्र्रश्नको जवाफ दिँदै प्रधानमन्त्री प्रचण्डले संविधानको पालना गर्नु सबैको कर्तव्य भएको बताए ।

उनले कानूनले हरेक व्यक्तिलाई अरुको धर्म र संस्कृतिलाई चोट नपुग्नेगरी आआफ्ना धर्म र संस्कृतिको पालना गर्ने अधिकार प्रदान गरेको बताएका छन् ।

प्रधानमन्त्री प्रचण्डले सरकारले परापुर्वकालदेखि चलिआएको सामाजिक एकतालाई खलल पुग्नेखालको कुनैपनि कार्य हुन नदिने बताए ।