काठमाडौं । धनुषाको जनकपुरधाम उपमहानगरपालिकाले एसिया कप क्रिकेट हेर्नका लागि विद्यालयमा बिदा दिएको छ ।

नेपाल र पाकिस्तानबीच आज उद्घाटन खेल हुँदैछ । वरिष्ठ उपसचिव मेहीलाल यादवले आज दिउँसो २ बजेपछि उपमहानगरभित्रका विद्यालय बन्द गर्न सूचना जारी गरेका हुन् ।

घरेलु टिम पाकिस्तानसँग मुल्तानमा प्रतिस्पर्धा गरेसँगै नेपालले विभिन्न रेकर्ड बनाउनेछ । २७ वर्षपछि नेपाललाई पाकिस्तानसँग एकदिवसीय खेल खेल्न लागेको हो ।

‘सिमित साधन स्रोृतको बलमा पनि नेपाली क्रिकेट टीम एसिया कपमा सहभागिता जनाउनु तथा भारत र पाकिस्तान जस्ता शक्तिशाली टीमका साथ प्रतिस्पर्धा गर्नु सम्पुर्ण नेपालीहरुको निम्ती ठुलो गौरवको कुरा भएकाले नेपाल र पाकिस्तानबीचको खेलमा हाम्रो गौरवशाली टीमको हौसला बढाउन र विद्यार्थीहरुमा खेलप्रति उर्जावान भावना जागृत गराउन दिउँसो २ बजेपछि कुनै पनि कक्षा सञ्चालन नगरि बिदा गर्न अनुरोध छ,’ सूचनामा भनिएको छ ।