NepalWatch

News Portal For Eeverything In Nepal from Nepal

२०८१ असार ३० गते

पाकिस्तानले दियो नेपाललाई ३४३ रनको लक्ष्य

काठमाडौं । एसिया कपमा पाकिस्तानविरुद्धको खेलमा नेपालले जितका लागि ३ सय ४३ रनको लक्ष्य पाएको छ ।

मुल्तान स्टेडियममा टस जितेर पहिले ब्याटिङ गरेको पाकिस्तानले निर्धारित ५० ओभरमा ६ विकेट गुमाएर ३ सय ४२ रन बनाएको हो ।

पाकिस्तानका  बाबर आजमले १४ चौका र ४ छक्काको सहयोगमा १५१ रनको शतकीय पारी खेले । त्यस्तै इस्तफिकरले १०९ रनको शतकीय पारी खेले । उनले ११ चौका र ४ छक्का प्रहार गरे ।

पकिस्तानका मोहमद रिजवानले ४४ रन बनाउँदा फकर जमानले १४ रनको योगदान गरे । पाकिस्तानले ओपनरद्वय फाखर जमान, इमाम उलहक, मोहम्मद रिजवान र सलमान अली अघा, कप्तान बाबर आजम र सदाव खानलाइ गुमायाे ।

बाबर र सदावको विकेट सोमपालल लिए । अघालाई लाई लेग स्पिनर सन्दीप लामिछानेले आउट गरेका हुन् । उनले १४ बलमा ५ रन बनाएर खेलेका थिए ।

त्यसअघि नेपालले मोहमद रिजवानको रुपमा तेस्रो विकेट लिएको हो । रिजवान सन्दीप लामिछानेको बलमा दिपेन्द्र सिंह ऐरीले रन आउट गराएका हुन् । रिजवान ४४ रनमा आउट भए । रिजवानले ५० बल खेलेका थिए ।

करण केसीले पहिलो, तथा कप्तान रोहित पौडेलले दोस्रो विकेट लिएका थिए । करणले ओपनर फाखर जमानलाई आउट गरेका थिए भने, कप्तान रोहित पौडेलले ओपनर इमाम उलहकलाई रनआउट गराए ।

इमाम उलहक ५ रनमा रन आउट भए । केसीले जमानलाई १४ रनमा आउट गर्दा, इमाम ५ रनमा आउट भएका थिए ।