काठमाडौं । जारी एसिया कपमा आफ्नो दोस्रो खेलका लागि नेपाली क्रिकेट टोली श्रीलंका पुगेको छ ।

त्यहाँ नेपाली टोलीलाई श्रीलंका क्रिकेटले स्वागत गरेको छ । नेपालले आफ्नो दोस्रो खेल भारतसँग सेप्टेम्बर ४ (भदौ १८) मा श्रीलंकामा खेल्ने छ ।

यो खेल श्रीलंकाको पल्लेकेले अन्तर्राष्ट्रिय क्रिकेट रंगशालामा हुने छ । एसिया कप बुधबारदेखि सुरु भएको हो ।

२७ बर्षदेखिको एसिया कप खेल्ने नेपालको रहर हिजो एक दिवशीय क्रिकेटमा विश्व वरियताको एक नम्बर टोली पाकिस्तानसँग खेल्दै सपना साकार पारेको हो ।

तर नेपाली टोली पाकिस्तानसँग फराकिलो अन्तरमा पराजित हुन पुग्यो ।

यस्तै पाकिस्तानी क्रिकेट टोली पनि श्रीलंका पुगेको छ । श्रीलंका क्रिकेटले दुबै टोली पुगेको जनाउदै स्वागत पनि गरेको छ । पाकिस्तान र भारतबीचको खेल भदौ १६ गते हुँदैछ ।

यो खेल पनि पल्लेकेले अन्तर्राष्ट्रिय क्रिकेट रंगशालामा नै हुने छ ।