एजेन्सी । अभिनेत्री अंकिता लोखण्डे टिभी सिरियल पवित्र रिश्ताबाट चर्चामा आएकी हुन् । पवित्र रिश्ताको ‘अर्चना’ पात्रले उनलाई चर्चामा ल्यायो । यसपछि उनले आफ्नो करियरलाई फर्किएर हेर्नुपरेन् ।

शाेमा दिंवगत अभिनेता सुशान्त सिंह राजपुत उनको को-एकटरको भूमिकामा थिए । सिरियलमा मानव अर्चनाको जोडी जति रुचाइएको थियो । त्यतिनै यी दुईको केमेस्ट्री पनि ।

हालै अंकिताले इटाइम्सलाई अन्तर्वार्ता दिदै उनले सुशान्तसँग विवाह गर्न फिल्म ‘बाजीराव मस्तानी’ काे अफर टुक्राएको बताएकी छन् । उनले सुशान्तसँगको सम्बन्धलाई महत्व दिदै ठूलो अवसरलाई अस्वीकार गरेको अन्तर्वार्तामा बताइन् । त्यतिबेला उनी सुशान्तसँग बिहे गर्न चाहन्थिन् ।

अंकिताले भनिन्, ‘मलाई त्यो निर्णयमा कुनै पछुतो छैन । तर, एक समय थियो जब मैले धेरै गलत निर्णयहरु गरें, उनले थपिन, ‘त्यसबेला मेरो प्राथमिकता फरक थियो । साथै, मलाई करियर र व्यक्तिगत जीवनमा सन्तुलन कसरी राख्ने भन्ने थाहा थिएन। अब म यसलाई राम्ररी राख्छु र अरूलाई पनि यो सन्तुलन कायम राख्न आग्रह गर्छु।’

शाहरुख खान अभिनित फिल्म ‘ह्याप्पी न्यू इयर’ का लागि पनि अंकिताले फराह खानकाे अप्रोचलाई अस्वीकार गरेको बताइन् । अंकिता र सुशान्तले सन् २००९ मा ‘पवित्र रिश्ता’ बाट टेलिभिजन डेब्यू गरेका थिए । दुवैले सन् २०१० मा एकअर्कालाई डेट गर्न थालेका थिए ।